Fréttir

Félagsgjöld 2015

Kæru Mánafélagar

Greiðsluseðlar fyrir félagsgjöldum árið 2015 hafa verið sendir í heimabanka. Ekki eru sendir greiðsluseðlar í pósti. Athugið að börn sem eru 16 ára á árinu (börn fædd 1999) greiða nú í fyrsta skipti 7000kr félagsgjald, þeir greiðsluseðlar birtast í heimabanka barnanna en ekki á heimabanka foreldra.

Til að geta tekið þátt í viðburðum á vegum félagsins svo sem námskeiðum, keppnum og öðrum uppákomum þarf að vera skuldlaus við félagið. Einnig þarf að vera skuldlaus til að mega nota reiðhöllina. Enn eru útistandandi mikill fjöldi félagsgjalda síðan 2014 og beitargjalda 2014 svo við biðjum félaga um að vinsamlegast ganga frá sínum málum sem fyrst.

Settur verður upp listi í reiðhöllinni yfir skuldlausa félaga, það þýðir að ef einhver er ekki á þeim lista er heimilt að vísa honum út úr höllinni.

Skuldlausir félagar fá aðgang að Worldfeng sér að kostnaðarlausu. Til að virkja þann aðgang þarf að hafa gilt tölvupóstfang skráð hjá gjaldkera. Hægt er að senda tölvupóstfang á gjaldkeri@mani.is fyrir 2.mars n.k. ef tölvupóstföng hafa breyst nýlega eða þarf að bæta við nýjum.

Með von um að góð viðbrögð.
Fh. Stjórnar
Þóra Brynjarsdóttir
Gjaldkeri Mána